నాకు తెలిసిన నేను
నన్ను తెలిసిన లోకానికి చూపలనుకుంటున్నాను
ఈ గాలి తిత్తి నుండి
సంకేత స్వరాలు పంపాలని ప్రయత్నిస్తున్నాను
దగ్ధమవుతున్న ధార్మికతను
అశ్రుధారలతో అర్ప తలపోస్తున్నాను
కలి గాలి ధాటికి కూలుతున్న సంస్కార సౌధాలను
కడ ఊపిరితో కాపాడ ప్రయత్నిస్తున్నాను
నిశీధి పొరలను చీల్చే
ఓంకార కిరణ కణంగా మారి
ఆ తమఘ్న విభు కొలువులో
దివ్యజ్యోతిగా అర్పితమౌతను.